لاصحاب الدم الخفيف

ده موضوع نكت يعنى كل واحد عنده نكته يحكيها ونضحك بعض وانا هبدأ بشوية نكت كدا

مرة واحد اعمي فتح من الفرحة اتشل

مرة واحد احول امة ماتت الدموع نزلت في ودنة
مره واحد مره واحد كسول أوى ، هيتنفز فيه حكم بالاعدام بدفنه حى ، فبيسألوه : "نفسك فى إيه قبل ما تموت ؟ "قالهم :نفسى أشرب "، قالوله :"الميه قدامك اهه ، قوم اشرب "، قال "و أنا لسه هاأقوم ، اردم يا عم اردم
بيقول لصاحبه تعرف ليه الديك ده عنده زكام قله ليه قله اصله متجوز فرخه مجمده
واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش
مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين
بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل
مره 2 مساطيل ماشيين في الشارع قابلتهم مزيعة فسالت واحد فيهم تعرف ايه عن مصر قاللها يا ست هانم مصر دي امي وسالت التاني تعرف ايه عن مصر قاللها انا ما اقدرش اتكلم علي ام صاحبي
مرة واحد اسمى ميدو وهو نازل من شقتة والدتة سالتة رايح فين يا ميدو ماردتش عليها نزل

الشارع واحد صاحبة بيسئلة رايح فين يا ميدو بص لية وماردش وقف عند نصية الشارع وقف تاكسى وركب السواق قالة رايح فين يا ميدو رد ميدو قالوة انا ماردتش اقول لماما هاقولك انت
مرة واحد مسطول في يوم دخلته بعد ما الفرح ماانتهى ومشيت المعزيم وهو داخل شقته لقى العروسة قعده راح قايل انا كنت عارف انهم في الهيصه دي هينسوا حد !!!!!!!!
مره واحد بلديتنا ضاعت منه المحفظه فبلغ وعمل محضر فالظابط قاله متقلقش هنجيبهالك من تحت الارض وهو خارج لقى ناس بتحفر عشان مترو الانفاق فقالهم ....... شدو حلكم يارجاله سوده وبسوسته


بلدياتنا وامريكى ويابانى عرضوهم على جهاز كشف الكدب ...... اليابانى قال : احنابنفكر نعمل انسان اآلى ونستغنى عن البشر .......... ( الجهاز ضربه )
الامريكى قال: احنا بنفكر نطلع المريخ ونعمل مسطوطنات عليه...........(الجهاز ضربه)
بلديتنا قال : احنا بنفكر ... لسه مكملِِِِِش ........(الجهاز ضربه )


مسؤ ل كبير يفتتح حمام سباحه كبير فى سوهاج فكان مدير الحمام بيشرحله مميزات الحمام فقال : ده يا افندم المنط العشرين متر اطلع يا محمدين نط فنط
وده يا فندم المنط الاربعين متر اطلع يا حسنين نط فنط
فقال المسؤل هايل هايل
قال المدير : ولسه كمان يا فندم لما نملاه ميه !!!!!!!


مره 3 بلديتنا فتحو محل بيتزا سموه بيتزا هععععععععععععع

مره واحد راح يفسح مراتو فى جنينه الحيوان وصورها جنب قفص القرد وعلق الصوره على الحيطه وكاتب هذه صوره مراتى مع القرد علما بان مراتى التالته على اليمين !!!!!!!!!!!!!!!!!!!!!!!!!!


مره واحد كان مسطول ومش شايف ادامو وشارب ومروح متأخر فى حدود الساعه 2 بيخبط الباب اختو فتحتلو قام لطشها بالقلم وقالها: كنتى فين لحد دلوقتى


مره واحد كان تعبان قوى وقاعد فى العربيه مرهق فقال انام شويه عشان انا جعان نوم فرجع كرسى العربيه ورا ونعس واحد خبط على ازاز العربيه وقالو لو سمحت الساعه كام ؟ قالو الساعه 2
وقفل الازاز ولسه هينعس واحد تانى خبط على الازاز قالو لو سمحت الساعه كام قالو اتنين وعشره
.......ولسه هينعس واحد تانى ساله هو الساعه كام قال اتنين وربع وقام متعصب وكتب ورقه مكتوب فيها(معيش ساعه ) وعلقها على الازاز ولسه هينعس واحد خبط على الازاز وقالو اتنين ونص ؟!؟!؟
مرة الجماعة بلدياتناعملوا اجتماع يناقشوا فيه تأخرهم العلمي.
فقام واحد بيقول : أمريكا طلعت القمر قبلنا واحنا قاعدين
قام رد عليه واحد: خلاص احنا
لازم نطلع الشمس.
فقالوا: احنا كدة هنسيح
رد عليه: يا غبي احنا هانطلعها بالليل.
احد أشترى عربية بالكمبيوتر فلما عدى التسعين قال الكمبيوتر "بعد التسعين
تعمل حادثة..احذر. "ففرح الراجل وفضل يزود فى السرعة والكمبيوتر يحذره لغايه
ما وصل إلى 180. كيلو فصاح الكمبيوتر"يخرب بيتك نزلني هنا"

بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد

واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟

جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت
واحد بيته ته دخل على صاحب مكتبة على قد حاله وقاله: أأأن ..أنا ع ع عايز اش اش اشتغل عن عن عندك بي بي بياع .الراجل قاله: بس المكتبة مش بتجيب ايراد و دخلها بسيط . قاله : بب بس جرجرجربنى.الراجل قاله ماشى استلم من بكره الصبح,..بعد اسبوعين استدعى الرجل البياع الجديد وقاله:بسم الله ماشاء الله عليك يابنى من يوم ما اشتغلت عندى و الايراد زاد, ممكن اعرف انت عملت كده ازاى؟ رد و قال:أأأبدا ككككل الحككككاية أأأن الزززبووون ال اللى يد يدخل اأأألمحل أأأقوله:تش تش تشترى ال ال الكتاب ده وللا اأأأقراءه ل ل لك,يقوم يشتريه على طول


واحد بلدياتنا دخل الجيش بيسأل زميله إنت من دشنا...فقاله: لأ رد بلدياتنا: يبجى إنت من ديش العدو... و راح طاخه عيارين






واحده ست مسكت حرامى فى المطبخ ،فقالت لابنها روح إنده ابوك من على القهوة.... جه ابوه ، ولما فتح المطبخ لقي الحرامي صغيّر فقال له انت اسمك ايه؟ قالوا كريم ،فقعد يضرب فيه لحد ما عجنه .... تاني يوم الست بتفتح باب المطبخ لقيت حرامي قالت لابنها روح يا وله نادي ابوك من على القهوة جه الراجل ولما دخل المطبخ لقي واحد طول بعرض ....... بص لمراته وقال لها امال فين كريم ؟!!!


مرة واحد ماشي مهموم وحزين ..فقابله رجل فقال له : مالك شايل الهم ليه.فقال له: أصل أنا زعلان مع مراتي وحلفت ما هتدخل البيت لمدة تلاتين يوم قال له الرجل : وأيه المشكلة في كدة قال له الاول: أصل التلاتين يوم هيخلصوا النهاردة



واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى
مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى، المهم راحو يسلموا فالتانى قاله اقعد اقعد اهم جايين يسلمو علينا

يارب النكت تعجبكوا
واللى عنده نكته يقولها

ههههه
الله ينور يامعلم