ضل رجال ولا ضل حيطة... يا ختى بلا وكسة

صبااااااااح الخـــــــــــــــير

او
مساء الخير

اللى انتوا عاوزينه

اهم حااجه متضايقوش نفسكوا عشان صحتكتوا

من مناقشات قعدة حريم

كلام ستات فى بعضها

تيجى اقولك بيقولوا ايه

قال بيقولوا ظل راجل ولا ظل حيطة...........يا اختي بلا وكسة

طب بذمتك عمرك سمعتي عن حيطة بتقعد تشخر طول الليل و متخلكيش تعرفي تنامي.....

ولا حيطة اول متدخل من باب البيت تقعد تجعر عايزة الغدا.....و بعدين تطين عيشتك علشان الملح طلع زيادة في البامية....

ولا ممكن في يوم ترجعي البيت تلاقي الحيطة بتبوس الشغالة

ولا حيطة تقعد تنكد عليكي رايحة فين و جاية منين.....

ولا حيطة تصحيكي نص الليل علشان معرفش ايه اللي طلع في دماغها فجاة كده...

ولا حيطة تدوخك وراها علشان تعرفي هي بتكلم مين في التيليفون بعد نص الليل...

طب دي الحيطة معروف مكانها...انما المحروس متعرفيش هو سهران في انهي دهية....قال ايه عندي شغل...يا سم

بذمتك في حيطة تحاول تطلعك كل مرة غلطانة علشان تثبت للعيال ان الحيطة بتفهم احسن منك....

ولا حيطة تلوي بوزها و تقعد بالفانيلا لما امك تيجي تزورك و تحب تحكي معاكي نكت عن الحموات...

ولا حيطة تقلك متخرجيش بالفستان ده احسن ما اقطعه عليكي...ولما تقوليلها
هاتي فلوس اشتري فستان غيره تعمل ودن من طين وودن من......طب دي حتى
الحيطان ليها ودان....

يا شيخة بلا قرف والله الحيطة اجدع......على الاقل مش هتتحبسي لو حققتي حلم كل الستات و دقيتي في الحيطة مسمار.....

مـ بلاش يا يوى
إنتى بتلعبى فـ منطقه غلللللللللللط