1 سلبى + واحده مبالاه هتدينا كوكتيييييل وحش اوى اوى اوى اوى اوى اوى

السلبيه موجوده فى كل مكان واللامبالاه معاها وبنشوف الحاجتين دول فى بلادنا ومجتمعاتنا العربيه بأحجام لا توزن ولا اعداد تعد سنأخذ امثلة لهذه السلبيات التى نراها فى مجتماعاتنا والتى نود ان تنتهى من حياتنا
************************************************** ************************


لما تصحى اخوك الصغير الصبح تقوله قوم يابنى ميعاد المدرسه خلاص يقولك لسه الطابور مخلصش ده نوع سلبيه وعدم مبالاة من الواد ده

************************************************** ************************************************


واما تنزل وتفاجأ بخالتك ام محمد جارتك بتحدف قنبلة من النفايات فى الشنطه السودا المتفرتكه وهى بتتفرج على التلفزيون فى الصاله على طووووول دراعها وتنزل على صاحب نصيبها ده برضه نوع سلبيات

************************************************** ************************************************


واما تركب الميكروباص برضه الصبح والسواق يكون معلى الكاسيت لدرجة ان واد صغير بعديك بعربيتين بيرقص على الاغنيه تبقى برضه سلبيه واما تقوله وطى شويه ياسطى عشان معايا تليفون يريحك يلمس مؤشر المحطات مش الصوت وكأنه وطى ولو طلبت منه تانى يبقى انت اللى قليل الادب

************************************************** **************************************************



واما تيجى تركب مينى باص ويناديلك يقولك تعالى فااضى فااااااااضى ومفيش مكان اصلا تقف فيه ناموسه ولازم ترجع ورا كأنك داخل النار وهتتعذب وبتهرب من دورك ولو معاك بطيخه بئه يبقى تلحق تلم البذر بتاعها عشان تعلم ولادك العد من 1 ل 500

************************************************** **************************************************



واما تقابل صاحبك فى الشارع والسيجاره هتاكل حته من بؤه والدخات مغبر فوقيه عامل سحابه تحس انها هتمطر من شدة السحابه وتقوله يابنى بتهلك صحتك يقولك ياسيييدى محدش واخد منها حااااجه مهى دى برضه سلبيه وعدم مبالاه

************************************************** **************************************************


ولا لما تقعد جنب واحد معاه موبايل من ابو ولاعه ده ابو صوت عااالى وتقوله لو سمحت وطى شويه دماغنا بتوجعنا يبحلقلك اوى وكأنك شتمته او قولتله كلام قبيح ها مش دى ياناس سلبيه
************************************************** *************************************************




واما تيجى تقول لصحبك انت غلط فى الحته دى يقولك ياعم اقعد ساكت هو انت اللى هتصلح الكوووون!!! دى سلبيه منه ونفس الامر معاك لو قالك كده اكيد هتقوله نفس الجمله دى عدم مبالاه وسلبيه

************************************************** **************************************************



لما راجل محترم يكون راكب عربيته الفخمه وانت ماشى على الرصيف وفجأه تلاقيه فتح الشباك عمل حركه سريعه ببؤه كده وقفل الشباك وكأنه قاعد فى حمام بيتهم

************************************************** **************************************************



ولا التانى اللى نازل مصارعه بصباعه فى مناخيره وتقوله يااخى فى اختراع اسمه مناديل يقولك مناديل ايه ياجدع ده انا مناخيرى انضف من البتاع اللى بتقول عليه دى سلبيه منه برضه

************************************************** **************************************************


ولا ياعينى اما تروح مصلحه حكوميه ويكون ماشى بنظام ويقولك طابور يامحترم تلاقى الطابور بعدد اللى واقفين كل واحد فى طابور لواحده كله عاوز يبقى الاول

************************************************** **************************************************



لما الشارع يكون مااااشى وتلاقى طوابير اللى بيجرى واللى شادد مراته وعياله وبيعدى واللى مع خطيبته وبيعدى ولا كأن ده شارع دى برضه سلبيه من اللى بيعدى كده وسلبيه من اللى منظمش العربيات عشان دول يعدوا

************************************************** **************************************************


واما تقول لصحبك اللى قاعد على القهوه ليل ونهار يابنى مش بتروح الجامعه ليه يقولك ياعم انا بروح على الامتاحانات وخلاص هما يعنى اللى خدوا شهادات عملوا ايه !!! دايما بنسمع الكلمه دى



لا اقوله عملوا يافااااااالح
************************************************** **************************************************



لما بيكون وزير معدى الشارع كله بيقف والمواصلات بتلزق فى بعضها ومصالح بتتعطل وحاجات كتير بتحصل دى برضه سلبيه

************************************************** **************************************************


ولما حارس المدرسه بيطلع الطلبه عشان يمشوا من ورا الاساتذه طيب انت واقف ليه مكنا حطينا بدالك شجره او تمثال عدم مبالاة او تقدير المسؤليه


************************************************** **************************************************


واما كمان ولد يلعب مع صحبه فى الفسحه او يطلب يروح الحمام او يتأخر فى الكتابه فى الفصل او.....او........او....اعتقد مش من السلبيه برضه ان المربى الفاضل القدوه الطيبه مثال للشرف والامانه والذى يحل محل الاب فى المدرسه انه يضرب الطالب او بمعنى اصح يموته بطرق شتى كان زمان بيدخل فى منطوق الغير لائق ان المدرس يضرب ولد بالعصايه لكن دلوقتى اصبح الغير لائق هو ان مدرس يقتل طفل برىء طاهر كان ضحيه من اجل طلب الذهاب للحمام او من أجل بطئه فى الكتابه او حتى لانه يلعب مع صديقه فى المدرسه اليست هذه سلبيه تحتاج الى الحكم الرادع
************************************************** **************************************************



سلبيه*سلبيه*سلبيه*سلبيه*سلبيه*سلبيه*سلبيه





امتى هنبطل سلبياتنا بئه؟؟؟

سؤال يطرح نفسه يا شاعر
ههههههههه
بس أنا معتقدش إن إحنا حنبطل السلبيه دى
:( :( :( :(