تعالو نتكلم بصراحه ..ونضحك بارضه شويه..بس من غير زعل

اهلا بكل حبايبى واصحابى طلاب دمنهور
مساء الهنا على الجميع
انا النهارده ياشباب جايبلكو موضوع مهم جدا
اهو يعنى هاندردش شويه مع بعض ونتكلم من غير كسوف
بصو بقى ياشباب
عايز ايه من البنت اللى انت بتحبها؟؟؟؟
ونفسك تتجوزها؟؟؟
من الاخر خليك جرئ وقول ماتخافش وياريت الكل يقول الحقيقه يعنى لو واحد بيخاف من البنت اللى بيحبها ويقول..
ابدا انا مش عايز منها حاجه انا عايز بس انى اقضى بقيت حياتى وانا بابصلها واتامل ملامحها
نفسى اشوفها على طول بتضحك ضحكه عنيها بتاخدنى لدنيا بعييييييييييده زى دنيه عبد الحليم حافظ فى فيلم ابى فوق الشجره
بعيييد قوى جنب النجوم وتسبنى يااااااااه على عيونها على خدودها ياه على شفايف حبيبتى
عالم تانى دنيه تانيه
امنيه عمرى انى افضل جنبها ابصلها بس ابقى حاسسها جنبى مش عايز منها اكتر من كدا
ـــــــــــــــــــــــــــــ
طب بجد مش عايز منها اكتر من كدا؟؟؟؟
طب مش هو دا كلامك اللى هاتقوله ..هو والا لا ؟؟؟
لو قلت لا تبقى مابتحبهاش ياباشا وتستاهل بقى انها تديك مقلب وتروح لحد غيرك يقدر يقدر الجمال والرقه دى .
بتقول اه ؟؟؟
اوكى يبقى انت كدا تمام قصدى يعنى مش تمام قوى
اسف قصدى يعنى انك ماقلتش كل الحقيقه
ازاااااااااااااااااى ؟؟؟؟
سؤال حلو وزى العسل
وانا هاقولك ازاى
السبب الحقيقى بقى لحبك لها وحبها بارضه ليك هو الرغبه .....
ماتعملش مش فاهم
انا عارف انك فاهم كويس قوى
ايوه انتى وانت بتحبو بعض رغبه
يعنى الحب ايه فى مفهومه البسيط
غير انجذاب انسان من نوع ..مذكر مثلا لنوع اخر .مؤنث
ودا الفرق بين الحب الاخوى والحب اللى مش اخوى
صح الكلام والا غلط
شكلك بتقول غلط
طب اهدى بس ونتفاهم
بص ياسيدى
حضرتك وحضرتيك بارضه بكسر التاء للبنات يعنى

اخر امانيك من الحب دا ايه ؟؟؟؟
مش انه ينتهى بالجواز ..اه والا لا ياعم
وعايز تتجوزها ليه بقى ان شاء الله.. رد عليا والا مش عايزتتجوزها ؟؟؟؟
امال بتضحك على بنات الناس ليه بقى .
وانتى بارضه نفس الكلام
مش انتى بارضه نفسك تتجوزيه طب بعد الجواز
هاتقضوها نظرات
ماحدش بقى يقوم يقف ويقولى انت بتقول ايه ياعم انت وينرفز نفسه او تنرفز نفسها علشان واحد بيقول الحقيقه
طب انا هاسالك سؤال
انت عمرك مامسكت ايد حبيبتك؟؟؟
خلينا بس فى الايدين علشان معانا بنات
وكنت عايز من ايدها ايه.كنت بتقرالها الكف مثلا ؟؟
اوعى تقول محصلش ..واوعى تزودها بقى وتقول
انا اصلا عمرى مافكرت فى حاجه زى دى وانا معاها ..
طب ياراجل والنعمه كداب
والنعمه كمان مره كداب
لما انت مابتفكرشى ..عايز الحب دا ينتهى بالجواز ليه عايز تتجوزها ليه .؟؟؟ تعمل بيها ايه؟؟
وخدها تشغلها عندك خدامه ؟؟حرام عليك بنات الناس ياراجل.
شوفى بقى نيته وحشه ازاى ..شفتى بقى مش راضى يصدق فى حاجه ازاى .
طبعا انتى عمله نصيبه دلوقت علشان انكشف قدامك.صح؟؟؟؟؟
ماتستعجليش قوى كدا ..مانتى كمان..ايوه انتى كمان ..بتحبيه ليه عايزه منه ايه ..عايزه تتجوزيه ليه؟؟؟ اوعى تكدبى والنعمه ماهايصدق ..ماتحلفيش ..ليه الحلفان ؟؟؟ماهو احنا لو كل واحد فينا قال الحقيقه وماعملشى فيها نيته مافيهاش حاجه
كنا ماحطناش نفسنا فى المواقف البايخه دى
المره الجايه اول ماتقابل اللى حسيت نحيته بحاجه فى الشارع تجرى عليه وتقوله على طول
ماتتكسفش اه وقول الحقيقه..قوله انا بحبك وعايز اتجوزك علشااااااااااااااااان.............................
.................................................. ..............

يانهر مش فايت انت كنت هاتقولها كدا
اعقل ياعمنا احنا بنهرج
هاتقولها
عايز اتجوزك علشان اقضى جنبك بقيه عمرى
وكل واحد يخبى اللى قلنا عليه دا جواه علشان الامور ماتبظشى وواحد يقابل واحده فى الشارع يقولها بحبك تقوم منولاه بابو كعب عالى
وتفكر فى النوايا اللى ربنا مداريها جوانا
واحنا مش ناقصين مصايب ماهو المستخبى بان بقى اسيبكو بقى تشاورو نفسكو وتردو عليا
مع تحياتى

واحد مسطوووووووووووولmogh

ههههههههههههههههههههههههههههههههههههههههههههه
هههههههههههههههههههههههههههههههههههههه
مسطووووووووووووووووووووووووووووووول
مسطووووووووووووووووووووووووول
مسطوووووووووووووووووووول

هههههههههههههههههههههههههه

» تعالوا نتكلم شويه في الحب و العلاقات العاطفيه قبل الزواج
» اسئله للبنات.........؟ وجاوبوا عليا بقى بصراحه
» ماشى تعالوا نتكلم فى ايه بقى فى.......................... طاب ماتدخل وتشوف
» لو انت جرئ ادخل وجاوب بصراحه****
» سؤال للبناتن والشباب بس بصراحه ****